Heimild: Sporting Life
Michael Dawson, varnarmaður Tottenham, verður frá keppni næstu sex til átta vikurnar vegna meiðsla á hné.
Dawson var borinn af velli þegar England sigraði Búlgaríu 4-0 í undankeppni EM í fyrrakvöld.
Í upphafi var óttast að meiðslin væru af svipuðum toga og Mihael Owen lenti í árið 2006 en þá var hann frá keppni í heilt ár.
Rannsóknir í gær leiddu í ljós að meiðslin eru ekki jafnalvarleg en hins vegar er ljóst að Dawson verður frá keppni næstu vikurnar sem er áfall fyrir Tottenham.
