,,Þú verður að óska Val til hamingju, þær sýndu í dag af hverju þeir urðu meistarar," sagði John Andrews þjálfari Aftureldingar eftir 8-1 tap liðsins gegn Val í Pepsi-deild kvenna í kvöld.
,,Allir voru örugglega ánægðir með að við skoruðum á fyrstu mínútu en ég fékk kvíðahnút í magann. Við gerðum þær svolítið reiðar," sagði John en það kom honum á óvart þegar að Telma Þrastardóttir kom Aftureldingu yfir snemma leiks.
,,Ég var ennþá að reima skóna og skoða meiðsli sem ég varð fyrir í leiknum með karlaliðinu og ég sagði 'fjandinn 1-0.' Það er ekki oft sem ég segi að 1-0 fyrir Aftureldingu sé slæm staða en eftir 10 sekúndur gegn Val þá er það ekki það besta sem hægt er að gera held ég."
Afturelding er í sjöunda sæti deildarinnar en liðið er ekki laust við falldrauginn ennþá.
,,Öll lið á botninum geta unnið hvert annað og við höfum lagt jafnhart að okkur eins og önnur lið. Við þurfum að vera mjög jákvæð hér, okkar stelpur hafa lagt hart að sér og ég held að við eigum eftir að krækja í eitt eða tvö stig, kannski fleiri."
Hér að ofan má sjá viðtalið í heild sinni.
