Jón Ólafur á hliðarlínunni í dag.
,,Þú ferð í deild og allar deildir snúast bara um að vinna, það er ekkert öðruvísi í úrvalsdeild, við stefnum bara á að reyna að vinna hana," sagði Jón Ólafur Daníelsson þjálfari ÍBV eftir að liðið tryggði sér sigur í 1. deild kvenna með 3-1 sigri á Þrótti í Þorlákshöfn.
,,Þetta var frábært. Maður ætlaði að reyna að fara hæfilega afslappaður í leikinn fyrst við vorum komnar upp en þetta var úrlitaleikur í keppni og maður vill vinna, þetta var glæsilegt."
ÍBV komst yfir með marki Hlífar Hauksdóttur beint úr hornspyrnu en fékk svo mark beint í kjölfarið á sig.
,,Ég var hundfúll og þetta var algjört kæruleysi í mínum mönnum þetta mark. Þær héldu greinilega að fyrst vorum komnar í 1-0 þá myndi vindurinn klára restina. En þetta var flott hjá Þróttarstelpum að koma svona til baka, en sem betur fer kláruðum við allan leikinn."
Nánar er rætt við Jón Óla í sjónvarpinu að ofan.
