Knattspyrnudeild ÍBV hefur sent frá sér yfirlýsingu þar sem þeir segjast harma framkomu stuðningsmanna liðsins í garð Halldórs Orra Björnssonar, leikmanns Stjörnunnar, í leik liðanna í gær.
Halldór Orri fékk óblíðar móttökur frá stuðningsmönnunum og jusu margir hverjir að honum kynþáttaníði og kölluðu hann albinóa á meðan leik stóð. Svo hávært var þetta orðið að dómari leiksins lét kalla upp í hátalarakerfið að þeir ættu að hætta þessu.
Yfirlýsinguna má sjá hér að neðan:
Tilkynning frá knattspyrnudeild ÍBV
Í ljósi atviks sem átti sér stað í leik ÍBV og Stjörnunar í Pepsídeild karla síðastliðin sunnudag. Er rétt að árétta að knattspyrnuráð ÍBV lítur málið mjög alvarlegum augum og mun hafa samband við þá aðila sem áttu hlut að máli. Slík framkoma er með öllu ólýðandi á knattspyrnuvellinum, sem og í samfélaginu yfir höfuð, og hörmum við framkomu þeirra einstaklinga sem gerðust sekir um kynþáttafordóma. Um leið viljum við biðja viðkomandi aðila sem varð fyrir aðköllum, afsökunar fyrir hönd félagsins. Slík framkoma verður aldrei liðin á Hásteinsvelli.
Einnig ber að árétta það að þeir einstaklingar sem komust óboðnir í matinn eftir leik, áttu ekkert erindi þangað og var aldrei boðið að koma þangað. Betur verður fylgst með slíku í framtíðinni.
F.h. knattspyrnudeildar ÍBV.
Trausti Hjaltason.
Í ljósi atviks sem átti sér stað í leik ÍBV og Stjörnunar í Pepsídeild karla síðastliðin sunnudag. Er rétt að árétta að knattspyrnuráð ÍBV lítur málið mjög alvarlegum augum og mun hafa samband við þá aðila sem áttu hlut að máli. Slík framkoma er með öllu ólýðandi á knattspyrnuvellinum, sem og í samfélaginu yfir höfuð, og hörmum við framkomu þeirra einstaklinga sem gerðust sekir um kynþáttafordóma. Um leið viljum við biðja viðkomandi aðila sem varð fyrir aðköllum, afsökunar fyrir hönd félagsins. Slík framkoma verður aldrei liðin á Hásteinsvelli.
Einnig ber að árétta það að þeir einstaklingar sem komust óboðnir í matinn eftir leik, áttu ekkert erindi þangað og var aldrei boðið að koma þangað. Betur verður fylgst með slíku í framtíðinni.
F.h. knattspyrnudeildar ÍBV.
Trausti Hjaltason.
Trausti sagði einnig við Fótbolta.net að hann hyggðist hringja í Halldór Orra persónulega til að biðjast afsökunar.