banner
   mán 01. nóvember 2010 06:00
Brynjar Ingi Erluson
Heimild: Sky 
Hodgson: Það er enn verk að vinna
Roy Hodgson
Roy Hodgson
Mynd: Getty Images
Roy Hodgson, knattspyrnustjóri Liverpool var fljótur að koma sér niður á jörðina aftur eftir að lið hans sigraði Bolton með einu marki gegn engu.

Liverpool sigraði Bolton Wanderers með einu marki gegn engu á Reebok leikvanginum í gær þar sem sigurmarkið kom á 86. mínútu frá argentíska hægri kantmanninum Maxi Rodriguez eftir frábæra hælsendingu frá Fernando Torres.

Liverpool fór með sigrinum úr fallsæti og í 12. sæti deildarinnar, en Hodgson er rólegur og tekur einungis einn leik fyrir í einu.

,,Ef við hefðum komið inn í þennan leik í einhverju öðru sæti í deildinni og með nokkra sigra á bakinu þá hefðum við verið mun rólegri," sagði Hodgson.

,,Það er enn of snemmt að vera bjartsýnn, en þetta var alla vega skref í rétta átt og það er virkilega ánægjulegt að sjá ljós í öllu myrkrinu." sagði hann að lokum.
banner
banner
banner
banner
banner