Ragnar Bragi Sveinsson, leikmaður Fylkis, mun næstkomandi mánudag fara til þýska félagsins Kaiserslautern á reynslu.
Ragnar Bragi, sem er 16 ára, lék sinn fyrsta leik með Fylki í Pepsi-deildinni í fyrra og varð um leið yngsti leikmaður félagsins frá upphafi.
Hann mun vera hjá Kaiserslautern í fimm daga en faðir hans verður með í för.
Ragnar mun bæði æfa með aðalliði Kaiserslautern og U19 ára liði félagsins.
Þessi ungi miðjumaður er í U17 ára landsliði Íslands en forráðamenn Kaiserslautern sáu hann spila þar síðastliðið haust og hrifust af frammistöðu hans.