Heimild: Twitter síða Damirs Muminovic
Damir Muminovic, leikmaður HK, hefur gengið til liðs við Leikni R. en þetta staðfesti hann á Twitter síðu sinni í kvöld.
,,Orðinn leikmaður Leiknis R.#staðfest," skrifaði Damir á Twitter nú rétt í þessu.
Þessi 21 árs gamli varnar og miðjumaður er uppalinn hjá HK en hann lék meðal annars með liðinu í Pepsi-deildinni árið 2008.
Í fyrra fór Damir til Hvatar á láni og fyrri hlutann á þessu tímabili var hann í láni hjá Ými sem er varalið HK.
Damir gekk síðan aftur til liðs við HK í júlí, lék tíu leiki í fyrstu deildinni og var valinn bestur á lokahófi félagsins.
Damir er annar leikmaðurinn sem Willum Þór Þórsson fær til Leiknis síðan hann tók við liðinu en Andri Steinn Birgisson kom einnig frá Keflavík í síðustu viku.
