Dion Dublin leikmaður Aston Villa vill allan leikaraskap burt úr boltanum og það strax en þetta sagði hann vegna vítaspyrnu sem dæmd var í leik Yeovil og Liverpool þar sem að Harry Kewell lét sig falla eins og við höfum greint frá. El-Hadji Diouf fékk einnig gult spjald í leiknum fyrir að "leikaraskap".
Dublin sem byrjaði sem framherji en er nú kominn í vörnina sagði um þetta "Ég er á því að ef einhver er að reyna að leika og svindla þá er það skömm. Ég hef aldrei, aldrei gert þetta á mínum ferli en ef það er brotið á þér og þú dettur þá er það í lagi. Það er svindl ef þú dettur án þess að það sé brotið á þér. Það verður að henda þessu út úr fótboltanum."
Athugasemdir
