Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 15. janúar 2012 00:08
Benedikt Bóas Hinriksson
Pistill: Pistlar á Fótbolta.net eru viðhorf höfundar og þurfa ekki endilega að endurspegla viðhorf vefsins eða ritstjórnar hans.
Leikföng Abramovich í máli og myndum
Benedikt Bóas Hinriksson
Benedikt Bóas Hinriksson
Roman hinn ríki
Roman hinn ríki
Mynd: Getty Images
Rússar eru að taka til í sinni stjórnsýslu. Pólítíkusar þurfa að sýna hvað þeir eiga. Roman Abramovich er einhver landsstjóri eða eitthvað álíka í einhverju héraði í Rússlandi þannig hann þurfti að sýna eigur sínar. Þær eru massívar.

Þetta er svo mikil geggjun að það hálfa væri miklu meira en hellingur. Þessi skrýtni Rússi á ekki einkaflugvél heldur einkaþotu!

Hann á tvö hús í Aspen og fjögur í Rússlandi. Samt tapaði hann einhverjum trilljörðum í hruninu.

Í þessari skattaskýrslu eða hvað þetta var, tók hann samt ekki fram flugvélarnar sínar, þyrlurnar og skipin - hvað þá kafbátinn, þannig hann á miklu meira en google segir okkur.

Skoðum hluta af eigum eiganda Chelsea:


Hann á þennan kastala; The Chateau de la Croe sem var byggður 1867 og er á frönsku rivierunni milli Nice og Cannes. Fyrir þetta borgaði hann 61 milljón dollara.


Abramovich á allt þetta á St. Barths í Karabíska hafinu. Hélt þar fimm milljón dollara áramótapartý árið 2009 þar sem Prince tróð upp.


Það væsir ekkert um okkar mann og hans fylgdarlið á St Barts.


Á Englandi er þetta hús. Þar er póló völlur, útisundlaug, tennisvöllur, gó kart braut, skotæfingavöllur, riffilsvæði og laxveiðiá. Hann setti síðan upp einhverja massíva rafmagnsgirðingu til að halda sótsvörtum almúganum frá.


Hann á líka þetta hús í Englandi í Chelsea hverfinu. Rétt hjá á eða átti Hannes Smárason heima. Þokkalegt. Þess má geta að hann er með 40 lífverði með sér nánast 24/7.


Í Hollywoodhæðum er okkar maður með þetta hús. Kvikmyndahús, poolherbergi og billjardherbergi og risavaxinn vínkjallara.


Í Aspen er hann með þennan kofa þegar hann fer á skíði. Borgaði 35 milljónir dollara fyrir takk fyrir. Held að flestir dollararnir hafi farið í útsýnið. Það er allavega fyrir allan peninginn.


Villan í Aspen er svona ski in, ski out.


Ætli Roman sé ekki með einhverja ægilega fína kokka til að elda ofaní sig. Sé hann ekki fá sér hafragraut og lýsi á morgnanna. En eldhúsið er fallegt.


Í alvörunni og án djóks keypti Abramovich svona einkakafbát.


Abramovich á fullt af bátum og snekkjum. Hér er hans minnsta - kölluð Predator.


Svo er það þessi; Pelorus sem er hans næst stærsta. Hann hefur lánað leikmönnum Chelsea stundum þessa.


Það ætti að vera hægt að hvíla lúin bein í Pelorus.


En okkar maður er ekki þekktur fyrir neitt hálfkák. Bara það flottasta og besta er nógu gott fyrir Abramovich. Eclipse er stærsta einkasnekkja í heimi.


Hér sést stærð bátsins ágætlega.


Þegar hann flýgur á milli nennir hann ekki einhverju útrásarvíkingaeinkaþotum. Nei, hans eigin Boeing 767 takk fyrir með kallmerkið p4-mes-2.


Og hann er sagður ætla að fá sér svona; Nýja Airbus þotan sem er stærsta farþegavél í heimi.


Svo á hann tvær þyrlur, hér er önnur þeirra.


Já auðvitað. Hann á náttúrulega Chelsea líka.


Bílarnir eru náttúrulega sérkapituli. Ferrari FXX sem kostaði 2,2 milljónir dollara er þar meðal annars, Porche, sprengjuvarðir Maybach limmar, Bugatti Veyron, Maserati MC12 og svona mætti ábyggilega lengi telja.
Svo á hann tvær þyrlur, hér er önnur þeirra.

banner
banner
banner