Heimild: Sky
Harry Redknapp stjóri Tottenham viðurkennir að sínir menn hafi verið heppnir er þeir nældu sér í 1-0 sigur gegn Watford í enska bikarnum í gærkvöldi.
Mark frá Rafael van der Vaart dugði Tottenham til að komast í næstu umferð en Carlo Cudicini hélt þeim á floti með því að koma í veg fyrir að Watford jafnaði metin.
,,Það er sagt að það sé betra að vera heppinn heldur en góður. Í kvöld (gærkvöldi) vorum við heppnir en ekki góðir. Þetta var ekki það Tottenham lið sem ég þekki," sagði Redknapp, sem hefur ekkert getað stýrt liðinu á æfingum undanfarið.
,,Watford voru frábærir, hreint út sagt stórkostlegir. Við vorum bara heppnir og það dugði. Stundum þarf maður smá heppni og hana höfðum við með okkur í þessum leik."
