Heiðar Helguson er enn á meiðslalistanum hjá QPR. Vonast hafði verið eftir að hann myndi snúa aftur um helgina þegar liðið heimsækir Blackburn í miklum fallbaráttuslag.
Mark Hughes, stjóri QPR, sagði þó á blaðamannafundi að Heiðar myndi ekki leika.
Mark Hughes, stjóri QPR, sagði þó á blaðamannafundi að Heiðar myndi ekki leika.
Akos Buzsaky snýr aftur í liðið eftir að hafa misst af síðustu tveimur úrvalsdeildarleikjum vegna meiðsla.
Djibril Cisse tekur út leikbann í leiknum og þá er DJ Campbell meiddur rétt eins og Heiðar.
Umræddur leikur verður klukkan 15 á laugardag en QPR er aðeins stigi fyrir ofan fallsæti, þremur stigum fyrir ofan Blackburn sem situr í næstneðsta sætinu.
