„Það er alltaf svekkjandi að detta út í vítaspyrnukeppni en þetta er hálfgert lottó. Við jöfnum okkur á þessu," sagði Hallur Hallsson, fyrirliði Þróttar, eftir að liðið tapaði fyrir Fram í undanúrslitum Reykjavíkurmótsins.
Hallur Hallsson lá alblóðugur eftir að hafa fengið högg í leiknum.
Hallur Hallsson lá alblóðugur eftir að hafa fengið högg í leiknum.
„Ég fékk einn olnboga en það var óviljaverk held ég. Úr þessu litla sári kom mikið. Nefið á mér er orðið skakkt svo menn vilja meina að ég þurfi að láta rétta nefið."
Annars lýst Halli vel á gang mála hjá Þrótti.
„Þetta lítur bara vel út finnst mér. Ungu strákarnir eru að koma sprækir inn og svo eigum við Halldór Hilmis og Ingvar Óla sem rífa upp meðalaldurinn þegar þeir koma."
Ingvar Ólason hefur legið undir feldi í vetur en útlit er fyrir að hann ætli að taka eitt tímabil í viðbót.
„Hann mætti allavega á æfingu í gær (fyrradag), það er það eina sem ég veit!" sagði Hallur í gær en viðtalið við hann má sjá í heild sinni í sjónvarpinu hér að ofan.
