„Það er tilgangslaust að eiga ágætan leik þegar maður tapar," sagði Bjarni Þórður Halldórsson, markvörður Fylkis, eftir 0-1 tap gegn KR í undanúrslitum Reykjavíkurmótsins.
Bjarni varði nokkrum sinnum frábærlega í leiknum auk þess sem hann komst nálægt því að skora þegar hann brá sér í sóknina í uppbótartíma.
Bjarni varði nokkrum sinnum frábærlega í leiknum auk þess sem hann komst nálægt því að skora þegar hann brá sér í sóknina í uppbótartíma.
„Það er eiginlega skandall að ég komist næst því að skora í þessu liði," sagði Bjarni brosandi.
„Ég var langbestur á vellinum bæði aftast og fremst. Ingimundur og fleiri, þið getið tekið þetta til ykkar!"
„Þetta var fínasta barátta en við hefðum þurft að gera svolítið meira. Þeir höfðu meiri tök. Ef við hefðum jafnað hefðum við tekið þá í vítaspyrnukeppni og ég örugglega skorað sigurmarkið," sagði Bjarni kíminn.
Viðtalið við hann má sjá í heild sinni í sjónvarpinu hér að ofan.
