Gareth Barry, leikmaður Manchester City, var ánægður með sigurinn gegn Aston Villa en hann lagði upp sigurmarkið í leiknum.
Man City hafði betur 1-0 og endurheimti þar með efsta sæti deildarinnar en það var varnarmaðurinn Joleon Lescott sem skaut liðinu aftur á toppinn.
Man City hafði betur 1-0 og endurheimti þar með efsta sæti deildarinnar en það var varnarmaðurinn Joleon Lescott sem skaut liðinu aftur á toppinn.
Leikmenn City áttu erfitt með að brjóta ísinn þar til Lescott skoraði sigurmarkið eftir hornspyrnu eftir rúman klukkutíma leik en eftir það var sigurinn þó aldrei í hættu.
,,Hver leikur á útivelli í ensku úrvalsdeildinni er erfiður svo það er frábært að hafa náð að landa þremur stigum hér í dag,” sagði Gareth Barry eftir leikinn.
,,Manchester United hefur unnið marga titla undanfarið en við erum lið með mikla reynslu, við höfum leikmenn sem hafa unnið titla í öðrum löndum.”
,,Það er eitthvað sem við verðum að nýta okkur í titilbaráttunni."
