Xherdan Shaqiri, leikmaður FC Basel, segist hafa hringt í Jupp Heynckes, þjálfara Bayern München, en liðin eigast við í Meistaradeildinni í kvöld.
Shaqiri var á dögunum seldur til Bayern og mun leika þar á næsta tímabili en þangað til verður hann áfram í herbúðum Basel.
Shaqiri var á dögunum seldur til Bayern og mun leika þar á næsta tímabili en þangað til verður hann áfram í herbúðum Basel.
Það verður því athyglisvert að fylgjast með Shaqiri í leiknum sem mun eflaust leggja allt í sölurnar gegn sínum verðandi liðsfélögum.
,,Bayern er sigurstranglegra, þeir koma hingað til þess að vinna. Bayern er og verður besta liðið í Þýskalandi,” sagði Shaqiri.
,,Ég hringdi persónulega í Jupp Heynckes til að spyrja hann hvort hann yrði mér reiður ef ég myndi skora gegn Bayern.”
,,Hann hló bara og sagði síðan að hann myndi finna einhver ráð gegn mér. Þetta var ánægjulegt samtal.”
