Heimild: BBC
Eftir sex titlalaus ár hjá Liverpool segir knattspyrnustjórinn Kenny Dalglish að úrslitaleikur enska deildabikarsins á sunnudag skipti félagið miklu máli. Liðið mætir Aroni Einari Gunnarssyni og félögum í Cardiff.
„Leikurinn skiptir mig miklu máli en mikilvægast er að hann skiptir fólkið miklu máli sem hefur beðið í einhver ár eftir að sjá liðið á Wembley. Þetta eru verðlaun fyrir tryggðina og stuðninginn sem það hefur sýnt," segir Dalglish.
Hann hefur aldrei unnið deildabikarinn sem stjóri.
„Við höfum tekið þátt í þessu móti af virðingu. Við erum þakklátir öllum, eigendum og stuðningsmönnum sem hafa staðið með okkur."
„Við komumst áfram í FA-bikarnum um síðustu helgi og erum á leið í úrslitaleik enska deildabikarsins ásamt því að vera fjórum stigum frá fjórða sæti í deildinni. Þetta eru framfarir frá því í fyrra," segir Dalglish.
