Siena 0 - 1 Catania
0-1 Francesco Lodi ('23 , víti)
0-1 Francesco Lodi ('23 , víti)
Einn leikur var í ítölsku A-deildinni og það var viðureign Siena og Catania, tveggja liða sem voru rétt fyrir ofan fallsætin fyrir leikinn.
Leikurinn átti upphaflega að fara fram í byrjun mánaðarins en var frestað vegna snjós.
Siena var hættulegra liðið í fyrri hálfleik en þrátt fyrir það var það hlutskipti gestana að vera með forystu í hléinu.
Um miðjan fyrri hálfleikinn fékk Catania vítaspyrnu þegar hendi var dæmd á Alessandro Gazzi.
Francesco Lodi fór á punktinn og náði að skora þrátt fyrir að markvörðurinn hafi farið í rétt horn.
Ekkert var skorað í seinni hálfleiknum svo Catania vann mikilvægan sigur. Liðið er nú níu stigum frá fallsæti en Siena er á meira hættusvæði, tveimur stigum fyrir ofan fallsæti.
