,,Við höfðum trú á að við gætum tekið eitthvað út úr þessum leik þrátt fyrir að vera 3-0 undir sem mér fannst vel ósanngjarnt framan af leik. Ef við hefðum skorað úr víti og hugsanlega fengið annað víti," sagði Ágúst Gylfason þjálfari Fjölnis eftir 2-3 tap gegn Fylki í kvöld.
,,Við missum einbeitinguna og mér fannst leiðinlegt að fá á sig tvö í andlitið á síðustu fimm mínútum í fyrri."
,,Sérstaklega því leikurinn var bara í jafnvægi og ekkert í gangi hjá þeim. En við komum til baka þrátt fyrir 3-0 og setjum tvö á þá og erum að pressa á þá síðasta korterið. Þeir detta niður og eru í raun bara hræddir við okkur."
,,Ég er mjög ánægður með að við komum til baka þrátt fyrir að vera 3-0 undir. En ég hefði viljað sjá okkur vera hugsanlega 1-2 núll yfir. En svona er þetta í fótbolta, þetta er sjokk fyrir strákana en þeir sýna karakter, við gerum það allir og komum til baka."
Í svona móti eins og núna viljum við fá eitthvað út úr þessu og við sáum glufu í því í stöðunni 3-2 og auðvitað pressum við á þá og reynum að fá eitthvað út úr því. Því miður tókst það ekki þrátt fyrir góðar tilraunir í lokin.
Nánar er rætt við Ágúst í sjónvarpinu hér að ofan.
