Höttur sigraði Fjölni 4-3 í Lengjubikar karla í dag en leikið var í Fjarðabyggðarhöllinni.

Heimamenn voru í miklu stuði í fyrri hálfleiknum þar sem að þeir skoruðu fjögur mörk og leiddu 4-1 í hálfleik.

Í síðari hálfleik tóku Fjölnismenn við sér og náðu að minnka muninn í 4-3 þegar um korter var eftir.

Fjölnismenn sóttu af krafti í leit að jöfnunarmarki en vörnin hjá Hetti var sterk síðustu mínúturnar og það dugði til sigurs.

Þetta var fyrsti sigur Hattar í Lengjubikarnum en liðið er í sjötta sæti í riðli þrjú eftir leikinn. Fjölnismenn eru með fjögur stig í fimmta sætinu.