Lögfræðinemi sem sendi Stan Collymore, fyrrum fótboltamanni, ósmekkleg skilaboð á Twitter hefur verið dæmdur í tveggja ára samfélagsþjónustu. Neminn heitir Joshua Cryer, 21 árs, og var með kynþáttaníð í garð Collymore.

Collymore er fyrrum leikmaður Liverpool, Aston Villa og Nottingham Forest og starfar nú sem sérfræðingur á Channel 4 í Bretlandi.

Þá var Cryer dæmdur til að greiða 30 þúsund krónur í málskostnað.

Fyrst hélt hann því fram að einhver hefði hakkað sig inn í Twitter-aðgang sinn en játaði svo á sig sök og slapp við fangelsisdóm. Hann þarf nú að leggja á sig 240 óborgaðar vinnustundir.

Cryer stundar nám við háskólann í Newcastle og mun þurfa að útskýra mál sitt fyrir skólayfirvöldum.

Tweet

Senda a Facebook Hafdu samband Senda frétt Prenta frétt Frétta leit