Heimild: Sky
Brendan Rodgers, stjóri Swansea, segir að félagið hafi ekki rætt við Hoffenheim um kaup á Gylfa Þór Sigurðssyni. Gylfi hefur slegið í gegn hjá Swansea og skorað fimm mörk í ensku úrvalsdeildinni síðan hann kom til félagsins á láni í janúar.
Markus Babbel, nýráðinn þjálfari Hoffenheim, hefur sagt að hann búist við að sjá Gylfa mæta aftur til æfinga hjá félaginu í sumar og ljóst er að Hoffenheim mun ekki láta leikmanninn fara ódýrt.
,,Hann er ennþá leikmaður Hoffenheim. Hann hefur haft frábær áhrif á hópinn og ég veit að hann nýtur þess að vera hér en við höfum ekki náð að setjast niður og ræða neitt og á meðan það gerist ekki þá er staðan áfram sú sama," sagði Rodgers.
,,Hann er lánsmaður sem græðir á því að spila með mögnuðum leikmönnum og við erum að græða á hæfileikum hans."
,,Hann passar fullkomlega inn í leikstíl okkar en við munum sjá hvað gerist frá og með núna og þar til í lok tímabils."
Athugasemdir