„Þetta er sagan okkar, við höfum verið að detta niður seinni hluta leiks og fá á okkur ódýr mörk. Það er heilmikil vinna framundan," sagði Ásmundur Arnarsson, þjálfari Fylkis, eftir 3-2 tap gegn FH í kvöld.
Fylkisliðið komst tveimur mörkum yfir í leiknum en fór tómhent út úr honum.
Fylkisliðið komst tveimur mörkum yfir í leiknum en fór tómhent út úr honum.
Lestu um leikinn: Fylkir 2 - 3 FH
Ásmundur er ekki sáttur við spilamennsku liðsins á undirbúningstímabilinu.
„Ég er ánægður með hvernig mínir menn komu til leiks með baráttu og vinnslu. Það kom okkur í þessa stöðu en fyrir okkar eigin aulaskap töpuðum við þessu niður Menn féllu of mikið niður og voru of langt frá mönnum. Auk þess gáfum við þeim ódýrt víti og einbeitingarleysi í síðasta markinu."
Fylkir heldur bráðlega í æfingaferð þar sem liðið mun skoða tvo erlenda miðverði samkvæmt heimildum Fótbolta.net. „Í ljósi stöðunnar erum við að líta í kringum okkur," sagði Ásmundur.
Viðtalið við hann má sjá í sjónvarpinu hér að ofan en þar tjáir hann sig meðal annars um meiðslavandræði Árbæingar. Finnur Ólafsson og Björgólfur Takefusa fóru í aðgerð og þá er ekki orðið ljóst hversu lengi Þórir Hannesson verður frá.
Athugasemdir