Henderson kom til Liverpool frá Sunderland síðasta sumar fyrir um 20 milljónir punda, en hefur ekki staðist væntingarnar til þessa og átt dapurt tímabil. Hann var þó léttur í gær er hann var að auglýsa nýja síðu sem var sett á laggirnar á Bretlandseyjum.

Hann mætti þá í viðtal til þess að koma síðunni af stað, en með honum var Darren Farley, sem sérhæfir sig í að tala eins og leikmenn Liverpool. Hann ákvað að vera Jamie Carragher í gær, Henderson til mikillar skemmtunar.

Hægt er að sjá myndbandið hér að neðan, en óhætt er að segja að hann nái Carragher nokkuð vel.