Fyrr í vikunni staðfesti Rúnar Kristinsson, þjálfari KR, að Brynjar muni ekki koma til félagsins í sumar eins og útlit var fyrir.

Brynjar hefur einungis leikið þrjá leiki í ensku Championship deildinni á þessu tímabili en Reading tryggði sér sigur í deildinni um síðustu helgi.

Þrátt fyrir að Brynjar hafi spilað lítið vill Brian McDermott, stjóri Reading, halda honum hjá félaginu enda hefur hann reynslu af því að spila í ensku úrvalsdeildinni.

Brynjar Björn er 36 ára gamall en hann kom til Reading árið 2005. Hann hefur einnig leikið með Valerenga, Örgryte, Stoke, Nottingham Forest og Watford.

Brynjar Björn hefur einnig skorað 4 mörk í 74 landsleikjum fyrir Íslands hönd en síðasti landsleikur hans var gegn Lúxemborg í nóvember árið 2009.