Danielle Turner er 21 árs gömul og hefur leikið með Everton á Englandi undanfarin ár. Þar hefur hún aðallega spilað með varaliðinu en þó einnig með aðalliði félagsins sem er með þeim sterkari á Englandi.

Hún er örvfætt og spilar helst á vinstri kanti en einnig sem framherji. Hún á að baki leiki með U17 og U19 ára liðum Englands.

Hún semur við Stjörnuna um að vera hjá félaginu fram í júlí. Eftir það verður tekin ákvörðun með framhaldið en keppni hefst í ensku deildinni í ágúst.

Turner er fjórði leikmaðurinn sem Stjarnan fær til liðs við sig í vetur. Áður hafði Glódís Perla Viggósdóttir komið frá Danmörku, Dagmar Mýrdal Gunnarsdóttir úr KR og Elva Friðjónsdóttir úr Þór/KA. Þá kom markvörðurinn Sandra Sigurðardóttir í lok síðustu leiktíðar.