Halldór Jón kallar á sína menn á Ásvöllum í dag.
„Ég var mjög ánægður með vinnuframlagið. Menn lögðu sig fram og sem þjálfari get ég ekki beðið um mikið meira," sagði Halldór Jón Sigurðsson, Donni þjálfari Tindastóls, eftir 2-0 tapið gegn Haukum í dag.
Þegar tíu mínútur voru eftir af leiknum fékk Arnar Magnús markvörður Tindastóls að líta rauða en heimildir Fótbolti.net herma að hann hafi sýnt einhverjar puttahreyfingar upp í stúku í átt að stuðningsmönnum Hauka sem aðstoðardómari leiksins sá og benti Þorvaldi Árnasyni dómara leiksins á.
„Ég sá það engan veginn, ég var að horfa eitthvað allt annað svo það fór framhjá mér," sagði Donni.
Viðtalið við hann má sjá í heild sinni í sjónvarpinu hér að ofan.
