Kristján Guðmundsson var afar ósáttur við frammistöðu sinna manna eftir 1 - 0 tap Vals gegn spræku liði Blika.
Lestu um leikinn: Breiðablik 1 - 0 Valur
,,Við vorum ekki góðir, það er ekki hægt að segja annað, varnarleikurinn var allt í lagi en sóknarleikurinn ekki, við skulum orða það þannig að allt sem við settum upp með var undir meðallagi," sagði Kristján.
Kristján grínaðist með að hann hefði ekkert lagt upp fyrir leikinn en sagði svo: ,,Þetta var skeflilega lélegt, varnarleikurinn hélt að einhvejru leiti en alltof oft var hann tæpur, við náðum ekki að spila útúr vörninni eins og við höfum verið að gera, við vorum alltof lengi að því."
Valsmenn beittu miklum kýlingum í leiknum en það var ekki það sem Kristján hafði hugsað sér
,,Blikarnir spiluðu bara mjög vel og þvinguðu okkur bara í þær aðgerðir en nei auðvitað er það ekki eitthvað sem við leggjum upp með."
Nánar er rætt við Kristján í sjónvarpinu hér að ofan
