Rúnar Kristinsson, þjálfari KR, segir það létti að hafa náð í þrjú stig. Íslandsmeistararnir unnu 3-2 sigur á ÍBV í kvöld.
Lestu um leikinn: KR 3 - 2 ÍBV
„Það er skelfilegt að við skyldum hafa hleypt Eyjamönnum svona nálægt því að jafna leikinn. Þeir hefðu getað jafnað metin með vítaspyrnu í lokin en Hannes bjargaði okkur. Ég er bara þakklátur fyrir stigin þrjú,“ segir Rúnar.
Rúnar tekur undir það að varnarleikur liðsins í upphafi móts hafi ekki verið ásættanlegur en liðið hefur fengið sjö mörk á sig í þremur leikjum.
„Við erum allavega að gefa áhorfendum eitthvað fyrir peninginn og það er nóg af mörkum. Fólk verður bara að koma og njóta þess að horfa, en þetta ekki gott fyrir þjálfara og þá sem standa næst liðinu. Maður er taugatrekktur."
Hér að ofan má sjá viðtalið við Rúnar í heild sinni.
