Kvennalið KR hefur fengið liðsstyrk.
Kvennalið KR fékk leikheimild fyrir tvo erlenda leikmenn áður en félagaskiptaglugginn lokaði á miðnætti.
Þetta eru bandarísku stúlkurnar Liz Carroll og Katelyn Ruhe. Til stóð upphaflega að þær myndu spila leikinn gegn Selfossi í Pepsi-deildinni á sunnudaginn og þær komu til landsins sama dag en leikheimildin náðist ekki í gegn fyrr en í gær.
Leikmennirnir koma báðar frá Pittsburgh Panthers í Bandaríkjunum. Ruhe er miðjumaður og Carroll átti að spila í framlínu KR en getur einnig spilað á miðjunni.
Miklar breytingar urðu á liði KR á milli ára. Þeir leikmenn sem fóru voru Alexandra Sveinsdóttir í Hött, Arna Ómarsdóttir í Breiðablik (úr láni), erglind Bjarnadóttir í HK/Víking, Dagmar Mýrdal Gunnarsdóttir í Stjörnuna, Guðrún Ólöf Olsen í Fram, Íris Dögg Gunnarsdóttir í Fylki, Katrín Ásbjörnsdóttir í Þór/KA, Lára Hafliðadóttir í HK/Víking, Petra Lind Sigurðardóttir í Fjarðabyggð/Leikni, Sonja Björk Jóhannsdóttir í barneignarfrí, Margrét Þórólfsdóttir er hætt og erlendu leikmennirnir Elisa Berzinz, Kathleen Smith, Keli M Mclaughlin og Rosie Malone-Povolny eru allir farnir frá félaginu.
Í stað þeirra komu Alma Rut Garðarsdóttir úr Grindavík, Anna Garðarsdóttir úr Aftureldingu, Emma Higgins úr Grindavík, Olga Hansen frá Álftanesi, Sigrún Inga Ólafsdóttir frá Breiðablik og þær bandarísku.
