Heimild: Sky
Alan Smith, fyrrum leikmaður Manchester United og Leeds, lenti í kröppum dansi eftir 3-2 tap MK Dons gegn Huddersfield í umspili um sæti í Championship deildinni í gærkvöldi.
Stuðningsmenn Huddersfield hlupu fagnandi inn á völlinn eftir leik og nokkrir þeirra ákváðu að hlaupa beint að Smith sem er í láni hjá MK Dons frá Newcastle.
Smith fékk óblíðar móttökur hjá stuðningsmönnum Huddersfield sem réðust á hann af krafti.
Karl Robinson, stjóri MK Dons, lögreglan og öryggisverðir þurftu að grípa í taumana til að hjálpa Smith og koma honum inn í búningsklefa.
,,Það var hrækt á Alan, hann var kýldur og það var sparkað mikið í hann. Alan kom sjálfum sér til varnar. Hann sagði að þetta væru týpískar móttökur á svona stað," sagði Robinson eftir leik.
