Alfreð Finnbogason
Alfreð Finnbogason, framherji Helsingborg í Svíþjóð skoraði ansi laglegt mark er lið hans gerði 1-1 jafntefli gegn Kalmar FF í sænsku úrvalsdeildinni í dag.
Alfreð var þarna að skora sitt fimmta mark í deildinni til þessa, en hann slapp einn í gegn eftir stungusendingu frá Jere Uronen. Hann komst þá einn í gegn á móti markverði og vippaði laglega yfir hann og inn í markið.
Kalmar jafnaði þó metin þegar um tíu mínútur voru eftir af leiknum, en þar var að verki Jonathan McDonald. Hægt er að sjá mark Alfreðs hér að neðan.
