Heimild: Sky
Didier Drogba, framherji Chelsea á Englandi, hefur neitað því að hann sé leikari á vellinum, en Jupp Heynckes, þjálfari FC Bayern lét út úr sér þau orð á dögunum.
Drogba, sem er 34 ára gamall hefur verið gagnrýndur undanfarin ár fyrir að liggja mikið í jörðinni og leikaraskap, en þýski þjálfarinn Jupp Heynckes, sem þjálfar Bayern, gagnrýndi hann meðal annars fyrir það á dögunum.
FC Bayern og Chelsea mætast í úrslitaleik Meistaradeildar Evrópu á morgun á Allianz vellinum í München, en Drogba hefur svarað fyrir sig og harðneitar fyrir þetta.
,,Ég veit ekki til þess að ég sé leikari, nei. Bayern er með flottan þjálfara sem hefur mikla reynslu og ber ég mikla virðingu fyrir honum, það er það eina sem ég get sagt," sagði Drogba.
