Heimild: Goal.com
Oystein Neerland, formaður Molde í Noregi, er allt annað en sáttur með Ole Gunnar Solskjær, þjálfara liðsins, en hann fór til Englands í dag til þess að ræða við eigendur Aston Villa.
Aston Villa lét Alex McLeish taka poka sinn á dögunum eftir slakan árangur, en liðið endaði í sextánda sæti deildarinnar og féll þá úr öllum bikarkeppnum í leiðinni.
Norski þjálfarinn og goðsögnin, Ole Gunnar Solskjær, sem lék hjá Manchester United við góðan orðstír, hefur verið sterklega orðaður við stjórastöðu liðsins, en hann fór með þotu til Englands í dag og sat fund með eigendum félagsins í fjórar klukkustundir áður en hann flaug aftur heim.
,,Við vorum látnir vita af áhuganum og samtölunum, en við vorum samt fyrir vonbrigðum að hann ákvað að fljúga til Englands í dag og ræða við Aston Villa," sagði Neerland.
,,Það virðist eins og við vitum ekkert af þessu, þarna er reynt á traustið og við verðum laga það áður en við höldum áfram. Við búumst við því að það verði haldinn fundur með Ole Gunnar á morgun varðandi það."
,,Við munum taka á þessu innan félagsins og fylgjast með gangi mála. Svo höldum við áfram að einbeita okkur að íþróttinni, því það eru þrír mikilvægir leikir fyrir frí og sá fyrsti er á sunnudag," sagði hann að lokum.
