Keflvíkingar fagna í kvöld.
,,Tilfinningin er ekki góð og það er alltaf slæmt að tapa." sagði Zoran Daniel Ljubicic þjálfari Keflvíkinga eftir tap á móti Skagamönnum í kvöld.
Lestu um leikinn: ÍA 3 - 2 Keflavík
,,Mér finnst við betra lið á vellinum. Við vorum að skapa færi og í stöðunni 2- 2 fengum við dauðafæri sem við áttum að klára en því miður og fengum alltof auðvelt mark á okkur á síðustu mínútu."
,,Mér finnst við spila mjög vel fyrir utan fyrstu mínútur í fyrri hálfleik og í fyrstu mínútum í seinni hálfleik En það vantar kannski smá heppni að klára. Við skorum tvö mörk á útivelli og þá á að duga fyrir eitt stig að minnsta kosti."
,,Þetta var ekki alvarlegt með Hilmar Geir sem betur fer en hann er búinn að vera mjög sterkur á kantinum og það sést greinilega að þegar hann fór útaf að við náðum ekki að loka það sem við eigum að gera."
Nánar er rætt við Zoran í sjónvarpinu hér að ofan
