Heimild: AFP
Nicolas Anelka hefur hótað að yfirgefa kínverska félagið Shanghai Shenhua ef hann fær ekki meiri stuðning frá félaginu.
Anelka gekk til liðs við Shanghai Shenhua í upphafi árs en á dögunum kom hann einnig inn í þjálfaralið félagsins eftir að Jean Tigana var rekinn.
Anelka gekk til liðs við Shanghai Shenhua í upphafi árs en á dögunum kom hann einnig inn í þjálfaralið félagsins eftir að Jean Tigana var rekinn.
Florent Ikwange Ibenge var ráðinn aðalþjálfari á sama tíma en Anelka segist stjórna öllu og hann vill fá meiri stuðning.
,,Ég er í raun aðalþjálfari því ég ákveð hvaða leikmenn spila og sé um æfingarnar," sagði Anelka.
,,Ef að kemur enginn stuðningur við mig og þeir halda áfram að fara á bakvið mig þá mun ég ákveða fljótlega hvort ég fari eða ekki. Það veltur á því hvað gerist á næstu vikum."
Didier Drogba, fyrrum liðsfélagi Anelka hjá Chelsea, hefur verið sterklega orðaður við Shanghai Shenhua að undanförnu.
