Þorvaldur var ekki sáttur í leikslok. Hér ræðir hann við Fótbolta.net eftir leik.
Þorvaldur Örlygsson, þjálfari Fram, var ekki sáttur með baráttu sinna manna gegn Selfoss í kvöld. Lokatölur 2-0 tap Framara.
Lestu um leikinn: Fram 0 - 2 Selfoss
,,Við vorum hægir í öllum aðgerðum, en að öðru skapi held ég að hitt liðið hafi barist meira en við og uppskáru þrjú stig - ósköp einfalt," sagði Þorvaldur.
,,Í dag vorum við undir í baráttunni og unnu vel sín svæði og voru bara duglegri en við."
,,Í fyrsta leik áttum við nóg af færum og lukkan ekki, en í byrjun eiga menn nátturlega að berjast. Kannski ekki okkar besti dagur í dag, en svona skeður oft."
,,Ég var ekki einu sinni að velta því fyrir mér. Ég gat nátturlega böggað mig yfir hinum og þessum hlutum varðandi dómgæsluna í hinum og þessum leikjum - en ég held ég hafi nóg með að bögga mig með úrslitin," sagði Þorvaldur.
Viðtalið í heild sinni má sjá hér að ofan.
