Heimild: Sporting Life
Steven Gerrard, fyrirliði Liverpool og enska landsliðsins var ánægður með þá félagana Ashley Young og Andy Carroll eftir sigurinn á Norðmönnum í gær.
Englendingar unnu með einu marki gegn engu, en Ashley Young skoraði eina mark leiksins á 9. mínútu eftir sendingu frá Andy Carroll.
,,Ashley er góður leikmaður og þegar hann spilar stöðuna fyrir aftan sóknarmann og þegar hann kemst þarna inn á milli þá getur hann verið mjög hættulegur," sagði Gerrard.
,,Varnir andstæðinga okkar vita ekki hvernig á að eiga við hann því hann finnur plássið svo vel. Hann er í góðu formi fyrir Englendinga og hefur skorað mikið af mörkum á réttum tíma þegar EM er að hefjast."
,,Við erum allir mjög ánægðir með frammistöðu hans og fannst mér hann og Andy Carroll líta vel út í kvöld," sagði hann að lokum.
