Aron Einar Gunnarsson er fyrirliði í dag
Byrjunarlið íslenska landsliðsins er tilbúið, en liðið mætir franska landsliðinu í kvöld klukkan 19:00.
Aron Einar Gunnarsson, leikmaður Cardiff City í ensku fyrstu deildinni er fyrirliði liðsins í dag, en hann er á miðjunni í dag.
Hannes Þór Halldórsson er í markinu og þá eru þeir Birkir Bjarnason og Kolbeinn Sigþórsson í fremstu víglínu.
Lars Lagerback, þjálfari landsliðsins spilar 4-4-2 í dag. Leikurinn fer fram í Valenciennes í Frakklandi, en leikið er á Stade du Hainaut.
Byrjunarlið Íslands: Hannes Þór Halldórsson (M), Hallgrímur Jónasson, Ragnar Sigurðsson, Kári Árnason, Hjörtur Logi Valgarðsson, Aron Einar Gunnarsson (F), Eggert Gunnþór Jónsson, Gylfi Þór Sigurðsson, Rúrik Gíslason, Birkir Bjarnason og Kolbeinn Sigþórsson.
