Heimild: Sky
Ryad Boudebouz, leikmaður Sochaux í Frakklandi, segir að enska úrvalsdeildarfélagið Liverpool vilji kaupa sig.
Þessi 22 ára gamli leikmaður hefur stóð sig frábærlega með Sochaux á tímabilinu, en hann hefur verið orðaður við öll stærstu liðin í Frakklandi. Þar má nefna Lyon, Lille og Marseille.
Hann segir þá að enska úrvalsdeildarfélagið Liverpool hafi áhuga á sér og hafi rætt við umboðsmann hans.
,,Umboðsmaðurinn minn er í viðræðum við nokkur lið, þá sérstaklega í Frakklandi, en það er ekkert mikið að gerast þessa stundina. Liverpool er einnig í viðræðum við mig, en eins og ég endurtek þá er lítið að gerast í þessum málum," sagði Boudebouz.
Hann skoraði 5 mörk í 32 leikjum fyrir Souchaux á þessu tímabili en tímabilið áður skoraði hann átta mörk í 40 leikjum.
