Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 15. júní 2012 18:00
Bjarni Ólafur Birkisson
Pistill: Pistlar á Fótbolta.net eru viðhorf höfundar og þurfa ekki endilega að endurspegla viðhorf vefsins eða ritstjórnar hans.
Lengi getur vont versnað
Bjarni Ólafur Birkisson
Bjarni Ólafur Birkisson
Mynd: Fjarðabyggð
Mynd: Austurglugginn - Gunnar
Þið munið kannski eftir pistli mínum frá í apríl um ferðakostnað landsbyggðarliðs. Þar lýsti ég því að vera búinn að panta flug sumarsins fyrir Knattspyrnufélag Fjarðabyggðar fyrir litlar 5,9 milljónir. Athugið að hér er aðeins verið að tala um meistaraflokka Fjarðabyggðar og 2. flokk enda heldur Knattspyrnufélag Fjarðabyggðar aðeins utan um þessa flokka en yngri flokkar eru aðskildir.

Nú er orðið ljóst að sami pakki fyrir næsta ár mun verðleggjast á rúmar 7,3 milljónir því ÍSÍ og Flugfélag Íslands voru að skrifa undir nýjan samning sem þegar hefur tekið gildi. ÍSÍ fargjald Egilsstaðir-Reykjavík-Egilsstaðir hefur nú hækkað um rúm 24% eða úr 17.350 í 22.900 á mann.

Nýja verðið gildir fyrir allar nýjar bókanir í sumar en við vorum sem betur fer búin að bóka öll flug sumarsins.

Það er ljóst í mínum huga að ef ekkert verður að gert þá fer fljótlega að kvarnast úr landsbyggðarliðunum og án efa leggja einhver þeirra upp laupana. Ekki getur það verið gott fyrir íslenska knattspyrnu því ótrúlega margir landsliðsmenn hafa í gegnum árin einmitt komið úr landsbyggðarliðum.

Ferðasjóður ÍSÍ sem ríkið leggur til rúmlega 50 milljónir árlega bætir ekki nema um 15% ca. sem dugar skammt.

Hvernig í ósköpunum er það réttlætanlegt að liðin á landsbyggðinni búi við þetta óréttlæti. Að það kosti lið eins og Fjarðabyggð 5-6 milljónum meira að taka þátt í landsdeildum íslandsmótsins í knattspyrnu!!
Lengi getur vont versnað.

Knattspyrnukveðja,
Bjarni Ólafur Birkisson
Formaður Knattspyrnufélags Fjarðabyggðar
Athugasemdir
banner
banner
banner
banner