ÍBV hefur framlengt lánssamning sinn við George Baldock en hann er í láni hjá félaginu frá MK Dons.
Baldock kom á láni til ÍBV í byrjun maí og átti upphaflega að vera hér á landi í mánuð. Eyjamenn hafa nú náð samkomulagi um að Baldock muni leika með liðinu þar til 8. ágúst.
Baldock kom á láni til ÍBV í byrjun maí og átti upphaflega að vera hér á landi í mánuð. Eyjamenn hafa nú náð samkomulagi um að Baldock muni leika með liðinu þar til 8. ágúst.
Það þýðir að þessi 19 ára gamli leikmaður nær sex leikjum til viðbótar í Pepsi-deildinni sem og leikjum í Evrópudeildinni og Borgunarbikarnum.
Baldock hefur leikið sjö leiki með ÍBV í Pepsi-deildinni í sumar en hann skoraði í 3-1 sigrinum á Grindavík í gær. Baldock hefur aðallega leikið á miðjunni en í gær var hann í stöðu hægri bakvarðar þar sem Arnór Eyvar Ólafsson var veikur.
ÍBV hefur unnið síðustu þrjá leiki í Pepsi-deildinni en liðið hefur verið að endurheimta menn úr meiðslum.
Fyrirliðinn Andri Ólafsson er þó ennþá frá keppni vegna þrálátra nárameiðsla og óvíst er hveæar hann verður klár í slaginn.
Athugasemdir
