,,Maður er sáttur við að komast áfram og út á það gengur að liðið sem vinnur er áfram og er í pottinum í næstu umferð," sagði Þorvaldur Örlygsson, þjálfari Fram eftir sigur liðsins á Aftureldingu í 16-liða úrslitum Borgunarbikarsins í kvöld.
Lestu um leikinn: Afturelding 2 - 3 Fram
Fram vann með þremur mörkum gegn tveimur, en Sveinbjörn Jónasson tryggði liðinu sigur þegar fimmtán mínútur voru eftir af leiknum.
,,Ég held í sjálfu sér að leikurinn hafi ekki verið jafn, en að sama skapi opna þeir leikinn með því að jafna og setja pressu og geta náttúrulega stolið þessu líka. Þeir gátu jafnað þarna á lokamínútunni."
,,Vissulega vorum við meira með boltann og sköpuðum okkur sénsa til þess að klára leikinn, en á meðan að 90 mínúturnar eru og alltaf séns fyrir hitt liðið og þá er alltaf hætta á þessu." sagði Þorvaldur að lokum.
Hægt er að sjá viðtalið í heild sinni hér að ofan.
