„Við hefðum vissulega viljað taka þrjú stig,“ sagði Þórður Birgisson sem skoraði bæði mörk heimamanna KF í 2-2 jafntefli við HK. „Við vorum ekki búnir að tapa fyrir leikinn í tíu leikjum heldur vorum búnir að vinna níu leiki í röð. En úr því sem komið var þarna undir lokin á 90. mínútu þá erum við bara sáttir með eitt.
Þórður lék með HK á árum áður, gaf það honum auka „búst“ að mæta þeim? „já, vissulega sko. Ég þekki marga stráka í liðinu, var þarna í mörg ár og eignaðist fullt af góðum vinum þarna í félaginu.“
„Mér fannst við eiga að fá vítaspyrnu þarna þrisvar í leiknum, alveg greinilega. Dómarinn dæmdi ekki og þá er það bara eins og það er, ekkert við því að gera.“
Nánar er rætt við Þórð í sjónvarpinu hér fyrir ofan.
