,,Það er lítið að segja. Það sem ég sagði við strákanna inni í klefa, er það að við höfum tekið þarna 45 mínútur af okkar fótboltaferli og sturtað þeim í klósettið," sagði Eysteinn Húni Hauksson, þjálfari Hattar eftir 6-2 tap gegn Tindastól í dag.
Lestu um leikinn: Tindastóll 6 - 2 Höttur
,,Það segir allt það sem segja þarf um fyrri hálfleikinn. Við létum þá líta út eins og Manchester United í þeim fyrri hálfleik og þeir eru með fínt lið ef þeim er leyft að gera það sem þeim langar til, eins og flest önnur lið."
,,Ég held að menn eigi nú alveg að geta brett upp ermarnar og reimað skóna, sama hver það er sem stendur við hliðina á þeim, en mér fannst okkar markvörður bara standa sig eins og allir aðrir á vellinum í okkar liði. Það væri fáránlegt að segja að þetta sé út af einum manni."
,,Það þýðir ekkert að vera að pæla í því hvort Ryan verði áfram eða ekki. Við erum á ákveðnum punkti með það mál og það er úr okkar höndum eins og er. Við eigum bara að hugsa um það sem við getum ráðið við."
,,Þetta er í fyrsta skiptið í sumar sem mér fannst liðið virkilega lélegt þannig að kannski er það eðlilegt að við séum ekki með fulla baráttu í öllum leikjum."
,,Ef að þetta verður svona áfram þá förum við kannski að athuga hvort við eigum að taka einhverja útlendinga eða annað slíkt, en ég hef trú á því sem við erum að gera þótt við höfum fengið stóran skell hér í dag, þá hef ég trú á þessum strákum. Við skoðum þetta bara, við erum að skoða ýmislegt, en það verða að vera menn sem eru betri en við þegar eigum og þeir verða ða vera tilbúnir að koma fyrir ekki neitt," sagði hann að lokum.
Hægt er að sjá viðtalið í heild sinni hér að ofan.
Athugasemdir
