mán 09.júl 2012 21:42
Garðar Jó: Sveinbjörn veit það sjálfur
,,Þetta var kannski ekki erfitt nema síðustu tíu. Þetta var eitthvernveginn moð allan leikinn, hvorugt liðið að spila fínan bolta. Þeir sköpuðu sér svo sem ekki mikið, en við sköpuðum ekki mikið heldur þannig þetta var svona hnoð leikur fannst mér," sagði Garðar í samtali við Fótbolta.net að leik loknum.
Framarar virtust vera jafna metin í uppbótartíma, en boltinn endaði í markinu. Dómarinn flaggaði þó rangstæðu sem var líklegast rétt, en Garðar segir að það hafi ekki farið neitt um sig: ,,Nei. Ég var búinn að sjá flaggið uppi, ég heyrði pípið hjá dómurunum. Hann(Sveinbjörn) var líka langt fyrir innan og hann veit það sjálfur."
Aðspurður um hverja hann vildi fá í undanúrslitunum svaraði Garðar: ,,Það skiptir ekki máli hvort við fáum KR í undanúrslitunum eða úrslitunum. Bara heimaleik takk, höldum því áfram," sagði Garðar Jóhannsson að lokum.
Viðtalið í heild sinni má sjá hér að ofan.
Athugasemdir
Nýjustu fréttirnar
