Gunnleifur Gunnleifsson fyrirliði FH var skiljanlega ekkert sérstaklega sáttur með það að vera dottinn út úr evrópukeppninni eftir tap á móti AIK í krikanum í kvöld.
Lestu um leikinn: FH 0 - 1 AIK
,,Við gáfum allt sem við gátum í þetta. Við vorum vel undibúnir og varnarleikurinn var mjög góður fannst mér. Þeir fengu ekki mikið af færum og markið sem þeir skora úr var ekki einu sinni færi. Við hefðum kannski mátt hafa stærri kúlur í sóknarleiknum kannski en svona er þetta bara þegar við erum að spila við gott lið og þeir eru bara komnir áfram," sagði Gunnleifur.
,,Það vantaði kannski oft upp á síðustu sendinguna hjá okkur og herslumunin á að opna þá. Þeir voru mjög þéttir og féllu langt til baka aftasta varnarlínan. En við förum bara stoltir frá okkar frammistöðu.
Þeir eru atvinnumenn og gera allt sem þeir geta til að vinna. Það sem pirrar mig mest er að þeir eru mjög hrokafullir og leiðinlegir og ég hefði viljað stinga sokk upp í þá með að slá þá út en það bara gekk ekki,"
Nánar er rætt við Gunnleif í sjónvarpinu hér að ofan
