Spænska landsliðið hefur verið þekkt á síðustu árum fyrir að halda boltanum einstaklega vel innan liðsins og hefur fáum liðum tekist að stöðva frábæran sendingaleik Spánverjanna.
Mismunandi þjálfarar hafa beitt mismunandi aðferðum til að reyna að höndla Spánverjana en Takashi Sekizuka, þjálfari Japans, sagði leikmönnum sínum að senda betur og pressa hærra heldur en ríkjandi Evrópu- og heimsmeistararnir.
Mismunandi þjálfarar hafa beitt mismunandi aðferðum til að reyna að höndla Spánverjana en Takashi Sekizuka, þjálfari Japans, sagði leikmönnum sínum að senda betur og pressa hærra heldur en ríkjandi Evrópu- og heimsmeistararnir.
,,Við héldum langan fund áður en við komum hingað og þar var allt ákveðið, við ætluðum að sigra Spánverja með því að beita þeirra eigin vopni," sagði Maya Yoshida, fyrirliði japanska landsliðsins á Ólympíuleikunum.
,,Það hjálpaði mikið að fá að vita hvernig við ætluðum að taka á Spánverjum áður en mótið hófst. Það hjálpaði leikmönnum andlega að vita nákvæmlega hvernig við ætluðum að spila gegn besta liði heims.
,,Sóknarmennirnir pressuðu spænsku vörnina hátt upp á völlinn og það eyðilagði nánast allt uppspil Spánverja."
