Heimild: BBC
Fabio Capello segir að Englendingar hefðu farið lengra en í 8-liða úrslit á EM í sumar ef hann hefði verið áfram við stjórnvölinn.
Capello hætti með enska landsliðið í febrúar þar sem hann var ósáttur við að enska knattspyrnusambandið ætlaði að taka fyrirliðabandið af John Terry eftir að hann var kærður fyrir kynþáttafordóma í garð Anton Ferdinand.
Capello hætti með enska landsliðið í febrúar þar sem hann var ósáttur við að enska knattspyrnusambandið ætlaði að taka fyrirliðabandið af John Terry eftir að hann var kærður fyrir kynþáttafordóma í garð Anton Ferdinand.
,,Ef ég hefði verið með ykkur þá hefði þetta gengið ennþá betur. Ég vann hér í fjögur ár og eftir það sem gerðist þá vildi ég hætta," sagði Capello sem var í gær ráðinn landsliðsþjálfari Rússa.
,,Við vorum komnir í úrslitakeppnina og það var einungis mál John Terry sem varð til þess að ég gat ekki farið í úrslitakeppnina."
,,Í samningi mínum stóð svart á hvítu að þjálfarinn myndi einn ákveða hver er fyrirliði. Allir landsliðsþjálfarar vinna í tvö ár í átt að ákveðnu markmiði en ég fékk síðan ekki tækifæri til að fara með Englendinga á EM."
