Fylkir hefur fengið miðvörðinn Atla Má Þorbergsson á láni frá Fjölni út tímabilið.
Atli Már á samtals 21 deildar og bikarleik að baki með Fjölni en hann gekk upp úr öðrum flokki síðastliðið haust.
Atli, sem er tvítugur, hefur ekki átt fast sæti í liði Fjölnis í sumar og einungis leikið tvo leiki.
,,Við erum með fjóra hafsenta í hópnum okkar fyrir utan Atla og því kjörið fyrir hann að æfa með úrvalsdeildarliði og hugsanlega fá einhverjar mínútur," sagði Ágúst Þór Gylfason þjálfari Fjölnis við Fótbolta.net í dag.
,,Bætir og þroskar hann sem leikmann fyrir átök komandi ára með Fjölni enda framtíðarleikmaður Fjölnis."
