Tyrkneska félagið Fenerbahce mun af öllum líkindum ganga frá kaupunum á varnarmanninum Joseph Yobo frá Everton á næstu dögum.
Yobo lék tvö síðustu tímabil með félaginu á láni en núna hefur Everton staðfest að viðræður séu í gangi um endanlega sölu á leikmanninum.
Á sama tíma hefur Fenerbahce einnig staðfest viðræður við Juventus um miðjumanninn Milos Krasic.
Það hefur verið ljóst frekar lengi að Krasic væri á förum frá ítölsku meisturunum. Hann hefur verið orðaður við ensk félög undanfarið.
Krasic skoraði í tveimur æfingaleikjum Juventus nýverið en það var ekki nóg til að heilla forráðamenn félagsins og verður hann líklega seldur á allra næstu dögum.
